السلام عليكم اخواني واخواتي في الشط
صباح الخير بالنهار
ومساء الخير بالليل
الموضوع النهارده حاجه جميله اوي , طبعا كل واحد فينا عنده لحظات من حياته متتنسيش ابدا
منها الحلو ووالوحش الفرح والحزن والمضحك والمبكي ......
بس في الاخر بنفتكرها وبنبتسم وبتبقي اجمل لحظات حياتنا
ممكن اللحظات دي تتنسي وممكن الزمن يمحيها هنا بقي نكتبها ونحافظ عليها
الحكايه وما فيها ان كل واحد حصله موقف في حياته طريف كئيب غريب محزن اي زكريات في
حياتك ادخل هنا واكتبها وشاركنا امتع لحظات حياتك
يارب الفكره تكون عجبتكم وانا حبدا بأول موقف
كنت في الثانوي العام مدرسه حسني مبارك لو تعرفوها
وكانت معايا شله فساد مكونه من اكتر من 9
اشخاص من كل الفصول وفي يوم كانت الدراسه تقيله علي قلبنا وقررنا اننا حنخلع من المدرسه
لجل حظنا النحس جت لجنه من الوزاره في اليوم ده بس احنا ايه بقي نونوت معانا وقلنا حنخلع
يعني حنخلع
وحضرنا نفسنا وحددنا المكان الي حنخلع منه وهو الي سور الاكاديمي الي جمبنا
ومنها الي الحريه او الشارع ههههههههههه , مع ان السيكيورتي الي في الاكاديمي اكتر من
مدريسين المدرسه ودول مش زي المدرسه يعملك استدعاء ولي امر لا دول علي القسم عدل المهم
رحنا علي السور وقلنا واحد مننا يخلع يستكشف ايه النظام جوه وقال واحد صاحبنا اسمه عمر انا
حنط , ويريته كان ولع قبل ما يقولها
راح المعلم علي السور ويدوب قعد علي السور جه المدير وطبعا قام قايل
( وله انت يواد انت
وهو تعالي هنا انت يا ابن ال _ تييييييييييييت _ خد ياد هنا والله لنا جايبك) احنا قلنا
اوبظظظظظظ
يعني عمر يخلع واحنا نلبسها طب نعمل ايه طلع شيطان الشله كان اسمه احمد سمير بس
كان مصيبه وقال ( يا شباب هو عمر يخلع واحنا نلبس طب ايه رايكم عمر يلبس واحنا نخلع )
قلناله ازاي يا فتك كل ده وعمر قاعد علي السور مستني الفرج
( قلنا نمسك عمر ونسلمه للمدير
ونبقا احنا الي مسكناه ) وفجأه وزي مايكون كده الشله دي مبنيه علي الاخلاص و الجدعنه كلنا
من غير ما نقول رأينا عن الفكره
جرينا ومسكنا عمر مع بعض قبل ما يهرب وسلمناه للمدير والمدير هاتك يا ضرب في عمر وقام
لبسه 3 ايام
رفد واستدعاء ولي امر والي زودها زياده ان المدير قالنا روحوا اقفوا عند الحتت الي العيال
بتزوغ منها ومتخلوش حد يزوغ وطبعا احنا مكدبناش خبر
...... 5 دقايق وكنا كلنا بره المدرسه
هههههههههههههه وعمر فضل اسبوعين ميكلمناش
بس اتصالحنا وبنفتكر الكلام ده دلوقت
ونمووووووت من الضحك
خلصت اتمني مكنش طولت عليكم وان الموضوع يعجبكم
يلا احكولنا علي زكرياتك
مزاجى
علم بلدى
مساهماتى
يوم ما سجلت
عمري
